New York: US Open Line Judge ko jaan se maardenay ki dhamkian masool horahee hain jo kay guzashta roz ek muqablay ke douran aalmi number ek Tennis Star Novak Djokovic ki gaind gilaay par lagnay se zakhmi huvi thi. Djokovic ki la parwahi ki wajah se Line Judge zakhmi huvi jis ke baad Tennis Star ke khilaaf karwai karte hue inhen rawan Grand Slam se na ahal qararde kar baher ka rasta dekha deya gaya lekin Social Media par is waqea nay ahem khabar ki jagah le li aur kayi sarfeen nay Line Judge ko nah sirf tanqeed ka nishana banaya balkay un ke khilaaf kaafi sakht alfaaz bhi istemaal kayi.
Itwaar ki raat US Open mein pesh aaye waqea par waisay to Social Media par bayanaat aur tanqidon ka ek silsila shuru hochuka hai jis mein Djokovic ke madahon ney apne Star khiladi ke is terhan ikhraj par barhami ka izhaar kiya aur Line Judge ko nishana banaya.Ek sarif nay kaha aap kayi liters sharaab pi satke hain lekin Tennis ball ki chuute chout ko bardasht nahi sakti ?’ Buri adakari. Be sharam
Alawa azeen chouthay round taq rasai ki wajah se milnay wali inaami raqam se bhi Djokovic ko haath dhona pada hai jo kay 2.5 lakh Dollars hai. Darin asna Serbia ke Davis Cup ke sabiq Coach Bogdan Obradovic ney kaha ke Djokovic ko US Open se na ahal qarar dainay ka mustahiq tha kyunkay unhoun ney muqablay ke douran laparwahi ka muzahira kiya hai aur unki la parwahi ki wajah se line judge nishana bani.