Entrance par mabni Programmes MCA, B.Tech, BEd waghera ke liye 24 August aakhri tareekhHyderabad: Maulana Azad National Urdu University mein taleemi saal 2020-21 ke Entrance par mabni Regular Course mein dakhlay 24 August 2020 tak jari hain jabkay merit par mabni Course mein dakhlay ki aakhri tareekh 30 September moqarar hai. Entrance test ke inqaad ki nazar sani tay shuda tawareekh 19 aur 20 September hon gi.
Entrance test ke nataij ka elaan 30 September kiye janay ka imkaan hai. College Of Teacher Education, Srinagar mein B.Ed aur M.Ed mein bhi mashroot dakhilon ka aaghaz kardiya gaya hai. Jis ki aakhri tareekh bhi 24 August hai. Professor M Vinaja, Director nizamat dakhla ke bamujab Hindostan ki kuch reyaston mein Covid-19 ki mojooda sorat-e-haal ke pesh-e-nazar tareekh mein towsee ki gayi thi. Isi douran University ney dakhlay ki baaz sharait mein zamimon ko manzoori di hai jin mein mukhtalif Course mein dakhlon ke liye Urdu ahliyat ki nazarِ sani shuda asaas, MA tarjuma aur MA samaji uloom bajuz Social Work mein dakhlay ke liye manzora deeni madaris ke programme aur MCA programme mein dakhlay ke liye AICTE ki masrah ehliti shart shaamil hain. Naye qawaid ki tafseel university Website par dastyab hai. Online darkhwast form baraye Entrance par mabni university Course jaisay B.Tech ( computer science ), M.Tech ( computer science ), MBA, MCA, B.Ed, M.Ed, DL.Ed, Polytechnic Diploma aur PhD programme ke ilawa merit ki asaas ke Course mein dakhlay ke liye online darkhawast Website per maojood hai. manuu.edu.in