Unnao: Unnao esmatdarri aur qatal ke maamla mein ab ye inkishaaf huva hai ke jumaraat ke roz Unnao mein aghwa kiye jane aur jalaey jane wali esmatdarri ki shikaar ladki ne isi shakhs ke sath shadi ka wada kiya tha, Jis ne is saal ke shuru mein is ke sath zayad-ti ki thi. Is case ke ahem mulzim Shivam Trivedi ne guzashta saal January mein shadi ke muahide par dastakhat kiye they aur elaan kiya tha ke ”ham apni marzi se hindu riwayaat ke mutabiq, 15 January 2018 ko ek mandir mein apni shadi ka elaan kiya hai.
Aur phir Decemeber 2018 mein mutasirah ke sath shadi se inkaar kar diya tha. It-tila-aat ke mutabiq, Mulzim Shivam ke ke ahal khanah ne is ladki ko qubool karne se inkaar kar diya, Kyun kay wo nichli zaat ki thi. Jis ke baad mutasirah ne Shivam ke khilaaf muqadma darj karvaya tha.
Esmatdarri ke muamlay mein mutasirah khatoon ki numaindagi karne walay wakeel S. N. Maurya ne kaha ke Shivam is khatoon ko muqadma wapas lainay ki dhamki de kar samjhota karne par majaboor kar raha tha. Jumaraat ki subah jab wo Rae Bareli mein adalat ja rahi thi, To Shivam aur deegar 4 afraad ne mil kar usko aag lagadi. Jis ke nateejay mein wo 90 fesad jal gayi thi aur usay sarkari hospital le jaya gaya aur phir usay Lacknon ke Civil hospital muntaqil kar diya gaya. Baad azan usay Delhi ke Safdarjung hospital pohanchaya gaya, Jahan jummay ki raat is ne dam toad diya. –YTN STAFF