New Delhi: Qaumi khawateen commission Uttar pradesh mein Unnao aabru rezi muamlay ke tanazur mein mutasirah ke ahal-e-khanah aur police ohdedaroun se milnay ke liye ek team jaye waiya par bhejega. commission ki sarbarah Rekha sharma ney ek tweet karkay yeh ittila dainay ke alawa unhon ney Unnao aabru rezi ke waqea par gehri tashweesh ka izhaar bhi kiya. Unnao aabru rezi muamlay ki mutasirah ki gaadi ek truck se takra gayi jis mein unke ahal-e-khanah aur wakeel ko shadeed choth lagi hai. Rekha sharma ney kaha ke commission ney Uttar pradesh police ke director general se poooray muamlay ki report ki jaanch karne ka mutalba kiya hai. commission ney kaha ke is muamlay mein taizi se karwai ki jani chahiye.
Unnao ismat raizi se mutasirah ke sath paish aaye sadak haadsay ke baad congress ki general secretary Priyanka gandhi vadra ne yogi hukoomat par tanqeed karte hue BJP hukoomat ki janib se insaaf par apne tahaffuzaat ka izhaar kiya aur kaha ke Ismat raizi ka mulzim ke ab bhi BJP mein honay par sawal uthaya hai. congress general secretary ney BJP hukoomat se yeh bhi sawal poocha ke khatoon aur chasham dedoun ki security mein kyun tasheel badta gaya?
Apne ek tweet mein Priyanka ney likha Unnao ismat darri mutasirah ke sath hua sadak haadsa chonka dene wala hai. is muqadma mein chal rahi CBI tehqiqaat kahan tak pohanchi hai? mulzim rukan-e-assembly abhi tak BJP mein kyun hain? mutasirah aur gohoun ke tahaffuz mein la parwahi kyun? un sawalaat ke jawab miley baghair BJP hukoomat se insaaf ki koi umeed nahi ki jasakti hai? qabil-e-zikar hai ke itwaar ki shaam national high way 31 par ismat raizi ki mutasirah ki gaadi ko ek taiz raftaar truck ney takkar maari thi. haadsay mein Unnao aabru rezi mutasirah aur iska wakeel Mahnedar singh shaded tour par zakhmi hogaye.
Haadsay mein mutasirah ki chachi aur deegar ek khatoon ki mout hui hai. yeh tamam log asmat reizi ki mutasirah ke chacha se milkar raye bareli se wapas aarahay they. truck maalik Devendar singh ko girftar karliya hai. wahein DGP ney is zimn mein kaha ke is haadsay ki ghairjanbdaranh tehqiqaat ki jayegi. ibtidayi tehqiqaat se pata chalta hai ke yeh ek haadsa hai jo truck ke taiz raftari ki wajah se hua. unhon ney kaha ke agar mutasirah kumba muamlay ki tehqiqat ka mutalba karegi to muamlay ko CBI ke hawalay karenge. –YTN STAFF