Istanbul : Turkey ke sadar Recep Tayyab Erdogan ne kaha hai ke mein kabhi bhi electronic ( E ) cigrette ki company ko ijazat nahi dunga ke woh apni masnoaat turkey mein farokht karen. istanbul mein tambaku noshi ke hawalay se taqreeb mein khitaab karte hue Tayyab Erdogan ne kaha ke mein ne wazeer-e-tijarat ko hukum diya hai ke turkey mein electronic cigrette ki ijazat nahi dainee kyun ke is zeher se tambaku ki companian Ameer hoti jarhin theen.
Aalmi idaara sahet ke adaad wo shumaar ke mutabiq 2016 mein turkey ki abadi ke 27 feesad 15 sala noujawan cigrette peetay they, jabkay 2010 mein 31 feesad nojawan tambaku noshi karte they. turk sadar ne kaha ke mut-taqi musalman ko sharaab aur cigrette na-pasand hai, unhon ne turk awam par zor diya ke cigrette noshi aur sharaab peena chodh den aur cigrette chodh kar hamari raees chaye peeyein. wazeh rahay ke haliya dinon Australia , brazil, hindustan aur Japan ne electronic cigrette par pabandi lagadi ya phir is ki market ko mehdood kardiya hai jabkay America ne E-cigarette ke mukhtalif brandz ko markiton se hataane ka mansoobah banaliya hai. –YTN STAFF