Hyderabad : Reyasti Talasani srinivas Yadav ne itwaar ko kaha ke TRS ko baldeati intikhabaat ke liye deegar siyasi jamaatoun se sakht musabqat ka koi masla nahi hai. unhon ne sabiq wazeer Mahendar reddy, MLA Rohit reddy ke hamrah, Telangana bhavan mein media numaindoun se baat ki. unhon ne kaha ke ”pichle intikhabaat ki tarhan, hukmuran TRS mukammal aksariyat se Muncipal intikhabaat jeet jayegi.
Wazeer ne daawa kiya ke log TRS hukoomat ke tehat flahi aur taraqiyati programon se khush hain. TRS party umeedwaron ke baray mein faisla karti hai aur qaideen ko intikhabaat mein kamyabi ke liye kaam karna hoga.
Wazeh hoke isi mah mein riyasat-e-telangana mein Muncipal intikhabaat munaqqid ho rahay hain. 22 January ko raye dahi hogi aur 25 January ko nataij ka elaan kiya jayega. riyasat mein jahan congress aur TRS mein hi kara muqaabla hoga, wahein TRS ne yeh daawa kiya hai ke, TRS ko baldeati intikhabaat ke liye deegar siyasi jamaaton se sakht musabqat ka koi masla nahi hai. aur hukmuran jamaat TRS un intikhabaat mein jeet haasil karegi.
Riyasat mein BJP ka wujood na ke barabar hai, is liye hukmuran jamaat ko is se koi khatrah la-haq nahi hai. aur muqaabla hai to sirf congress se. doosri taraf congress ko bhi un intikhabaat mein jeet haasil karne ki umeed hai, yeh to nataij ke baad hi pata chalayga ke kamyabi kiske haath lagti hai, aur kis ke daaway jhutay saabit hotay hain. –YTN STAFF