Hyderabad: Telangana ki hukmaran jamaat TRS ka ek aur rukan Assembly Corona se mutasir paya gaya. Armoor ke rukan Assembly Jeevan Reddy ney corona ki jaanch karwai thi jis par wo is se mutasir paye gaye. Wo ek din Hyderabad ke ek Hospital mein they jis ke baad wo ghar par hi allag thalag hain.
Un mein corona ki alamaat nahi hain jis ke baad un ko Quarantine kardiya gaya. Ab tak Nizamabad zila ke Nizamabad Rural rukan Assembly Baji Reddy Govardhan, Urban MLA Ganesh Gupta corona se mutasir paye gaye. Taaza tour par Jevaan Reddy is se mutasir paye gaye. Ek ek rukan Assembly ke corona se mutasir paye jane ke baad un se mulaqaat karne walay un ke madahoun aur party ke kaarkunon mein tashweesh payi jati hai. Municiple Corporation ke ohda ke liye wo haal hi mein Hyderabad gaye they jahan unhoun ney baaz afraad se mulaqaat ki thi.