Agartala : Unnao ismat dari wo qatal maamla aur Hyderabad ke muzafaat mein pesh aaye khatoon veterinary Dr ki ismat darri ke baad qatal ke muamlay se jahan mulk ki awam mein gham wo ghussa dekha gaya aur wasee pemanay par un waqeat ki par zor mazammat ki gayi, aur un waqeat ney mulk ko hila kar rakh diya, wahein ismat darri ka ek taaza waqea pesh aaya hai.
Tripura mein daidh mah tak ek 17 sala ladki ke sath zayad-ti ki gayi aur iske baad ek nojawan aur iski maa ney jahez ki raqam lenay ke baad bhi usay zindah jala diya. hafta ke roz yahan government ke zair-e-intizam chalaye jaaney walay Govind Ballabh Pant Medical College hospital mein mutasirah ladki ki mout ke baad police ney mulzim 25 sala Ajoy Rudra Paul aur iski maa 59 sala Anima Rudra Paul ko giraftar kar liya.
Police ney maqtulah ke waalid ke hawalay se bataya ke ajoy ney unki beti ko 28 oct ko zila Khowai ke kalayanpoor ( maghribi Tripura ) mein is ke ghar se aghwa kiya tha aur usay junoobi Tripura ke Santir bazaar mein waqay apne ghar legaya. police ney kaha ke ”ajoy jo aksar ladki se zayad-ti karta tha aur isse shadi ke liye 5 laakh rupaye jahez ke tor par maang raha tha.
Mutasirah ke walidain ke dabao ke baad, ajoy ko jahez ki pehli qist wusool kar lainay ke ajoy ney 11 decemeber ko is ladki se shadi karne ke liye raazi hogaya. lekin jehaz ki raqam ko leker ajoy ka apni maa se jhagda hogaya, aur ajoy ki maa ney mutasirah ladki par matti ka tail daal kar usay aag lagadi“. mutasirah ladki ke khandan ke mushtael afraad aur padosiyon ney iski mout ke fouri baad hi hospital mein mulzim ajoy aur iski maa aneema par hamla kar diya.
Police ney bataya ke hum is waqeye ki tehqiqaat kar rahay hai, aur mutasirah ladki bayan is ki mout se qabal hi darj kiya gaya tha. mutasirah ladki ke padosiyon ke mutabiq, ajoy ke ek rishtedaar ney mutasirah khandan mein shadi ki thi aur mutasirah ladki social media aur phone par guftagu ke zareya qareeb aaye they. –YTN STAFF