Ohdedaron ke mutabiq Depot mein aag par qaboo panay aatish faro alaat aur water sump bhi nahi thaiy
Timber Depot. Chandrayangutta mein aaj subah ki awaleen sa-aton mein aik Timber Depot mein zabardast aag lag gayi. Aag lagnay ki wajah ka hanooz pata nahi chal paaya hai. Fre Brigade ke ohdedaron ney tehqiqaat Police ke hawala kardainay ka faisla kya hai. Ohdedaron ney bataya ke Depot mein aag par qaboo panay ke liye koi hifazati iqdamaat nahi kiye gaye they. Hatta ke aag par qaboo panay ke liye aatish faro aalaat aur water sump bhi maujood nahi tha. Depot mein koi watchman bhi nahi tha. Yeh aag subah 6:30 bajey lagi. Ittila milnay par Mogulpura Fire Station se aik fire tender pahuncha aur aag par qaboo panay 4 water tankers istemaal kiye gaye. Do ghanton ki kawishon ke baad aag par qaboo pa liya gaya. Is haadsa mein koi jani nuqsaan nahi pouncha.