Berlin: Germany ki police ne 1 shakhs ki talaash mein karwai ki jo Test drive ke bahane 20 laakh Dollars ki ek nayaab Ferrari sports car le kar faraar hogaya. german police ke mutabiq chor ne Desldorf shehar se 1985 model ki qeemti sports car Ferrari 288 GT chori ki .
Police ne awam ke liye car chori karne walay shakhs ki tasweer aur huliya jari kiya jis ke mutabiq chashma lagaye car chor ne gehray neelay rang ka coat pehan rakha tha. police ne mazeed kaha hai ke atalwi rising Cars ke laal rang ki Ferrari aglay hi roz ek giraj se bar aamad kar li gayi jahan chor ne usay chupaney ki koshish ki thi taham gaari chori karne wala shakhs ta haal mafroor hai. gaadi chori karne walay shakhs ne khud ko kharidar zahir kiya aur jab gaadi ka maalik bahar khada tha to is ne 400 hars power engine wali gaadi ke Accelerator par paon rakh diya aur usay taizi se chala kar le gaya. gaadi chori karne walay shakhs ne khud ko nayaab gadiyon ka kharidar zahir kiya tha aur woh taxi par gaadi ki Test drive ke liye pouncha tha . –YTN STAFF