Hyderabad: Telangana mein Covid-19 ke mamlaat mein batadreej kami waqay hoti jarahi hai. Guzashta chand hafton ke muqaabla 2 dinon ke douran un mamlaat mein kami darj ki gayi hai. Riyasat mein mangal ko 1286 naye mamlaat darj kiye gaye. Is terhan riyasat mein corona ke jumla mamlaat ki tadaad 68,946 hogayi hai. Guzashta roz corona se 12 afraad ki mout hui. Is terhan riyasat mein is mozi marz se marnay waloun ki tadaad 563 hogayi hai. Mehakma sahet aama-o-khandani behbood ki janib se jari kardah bulletin ke mutabiq riyasat mein corona ke jumla mamlaat 68,946 hain. Taqreeban 1066 afraad robah sahet hogaye hain jin ko riyasat ke mukhtalif Hospitals se gharon ko jaaane ki ijazat day di gayi hai.
Is terhan riyasat mein robah sahet honay walon ki tadaad 49,675 hogayi hai. Ohdedaron nay bataya ke riyasat mein sargaram mamlaat ki tadaad 18,708 hai. Is Bulletin ke mutabiq GHMC ilaqa mein 391, Ranga Reddy Dist, 101 Cases Karim Nagar Dist,72 cases in Medchal Malkajgiri Dist,63 Warangal Urban Dist,59 in Nizamabad District,55 Jogulamba Gadwal Dist,41 Khammam Dist,39 Mehboob Nagar Dist,38 in Bhadradri Kotagudam Dist,29 in Nalgonda zila mein 29 naye mamlaat darj kiye gaye hain. Sath hi Nagar Karnool zila mein bhi 29 naye mamlaat samnay aaye hain.