Hyderabad: Hindustan mein jari Lockdown ka dosra marhala 3 May tak hai jabkay riyasat Telangana mein ye 7 May ko khatam honay wala hai lekin jisake umeed ki jarahi hai ke is mein aur wusat hosakti hai lekin kuch maqamat aur ilaqoun mein ye khatam bhi ho sakta hai. Telangana ke dar-ul-hukoomat Hyderabad mein Lockdown ke khatam honay ke koi assaar nahi hai lekin dahi ilaqoun mein Lockdown mein narmi hosakti hai.
Dehi Telangana mein Lockdown mein narmi dainay ke isharay mil rahay hain jaissa ke reyasti hukoomat ne zilai Collectors ko hidaayat di hai ke wo lockdown ke usooloun ko aaasaaan karen aur ghair rasmi san-atoun ke kaam ki ijazat den jo dehi logoun ko muaash faraham karen. Taham hukoomat ne zilai Collectors ko bhi hidaayat di ke wo is silsilay mein faislay karne ke baad hi deegar lockdown usooloun jaisay ke samaji doori aur kaarkunoun ke liye Hand wash ki munasib pabandi ko yakeeni banayen. Guzashta 2 roz se jari kardah hidayat ke mutabiq zilai Collectors se muqami halaat ko mad e nazar rakhnay ke baad faisla karne ko kaha gaya hai aur, Dehi murammat Workshops, Bedi bananay, Textile par kaam karne ki ijazat di gayi hai taham hukoomat ne kaha hai ke sharaab sameit silon jaisay shoba ko bhi sakhti se rokna hai. Ye hidayat dehi ilaqoun mein Lockdown ke usooloun ko aasaan bananay aur zindagi mamool par laane ki koshish ka hissa hai chunkay Corona mein se ziyada tar misbet waqeat shehri ilaqoun mein Record kiye gaye hain aur un mein bhi kami aana shuru hogayi hai, Chunancha ghair rasmi san-atoun ko muntakhib karne ki ijazat dainay ka faisla kiya gaya taakay riwayati peshoun par amal karne waloun ko apna rozgaar kamaya jasakay. Ziyada tar ghair rasmi san-atoun ko jin ke kaam karne ki ijazat di jayegi un ka kam se kam samaji rabita hai aur wo chhootay faaslay par chal satke hain is ke alawa Lockdown usooloun par amal pera honay ke alawa masharti faaslay ko barqarar rakhnay aur Sanitizations ko yakeeni banana zaroori hoga. Alawa azeen shehrioun aur Municipal Corporations sameit shehri ilaqoun mein waqay un san-atoun mein se kisi ko bhi koi chhut nahi di gayi. Chief Minister ke daftar ke zaraye ne kaha hai ke Chief Minister K Chandrashekhar Rao ne riyasat bhar mein Coronavirus se mutaliq sorat e haal ka jaiza liya. Unhoun ne ye faisla mutadid darkhwastoun ke baad aur riyasat ke mukhtalif hissoun se jari sathi Reports ke baad kiya hai taakay makhsoos san-atoun ko apne kaam ka aaghaz karne ki ijazat di jaye. –YTN STAFF