Hyderabad : Telangana hukoomat ne itwaar ke roz Telangana state road tansport ka rporishn ( TSRTC ) ke 48 hazaar se zayed mulazmeen ko noukri se Bar-taraf kar diya hai. hukoomat ne yeh faisla RTC mulazmeen ki janib se ki gayi ghair muayana muddat ki hadhtaal ke baad liya gaya hai. Wazeer-e-aala Telangana KCR ne is hadhtaal ko ghair munsifana jurm qarar diya.
Hafta ki shaam 6 bajey tak hukoomat ki taraf se dead line denay ke bawajood bhi, hadhtaali mulazmeen ne 2 din tak muzahiray ko roknay se inkaar kardiya. iske baad, wazeer-e-aala KCR ne 48 hazaar se zayed mulazmeen ko noukari se Bar-taraf kardiya aur bar-tarf kardah mulazmeen ke sath kisi bhi qisam ki baat cheet se inkaar kar diya.
KCR ne kaha ke ”Yeh ek ghair munsifana jurm hai. woh tehwar ke waqt hadhtaal par gaye, aur is waqt TSRTC 1200 crore rupiye ke badey nuqsaan se guzar rahi thi aur is qarz ka boojh 5 hazaar crore rupiye se ziyada tak pohanch gaya.
Wazeh ho ke road tansport corporation ke taqreeban 50 hazaar mulazmeen jummey ki raat se hadhtaal par they. yeh mulazmeen, hukoomat se 26 mutalibaat kar rahay they. woh road tansport corporation ko hukoomat mein zam karne ka ahem mutalba kar rahay they, taakay woh sarkari mulazim ban saken. unki hadhtaal ki wajah se awam ko tehwar ke douran kaafi mushkilaat ka saamna karna padha.
Reyasti hukoomat ne tehwar ke paish-e-nazar awam ki sahoolat ke liye 2500 buses kiraye par li hain. 4,114 buses ko RTC ke tehat liya jayega. –YTN STAFF