Hyderabad : Telangana hukoomat ka budget ijlaas mah September mein munaqqid honay ka imkaan hai. Riyasti hukoomat ke chief secretary SK Joshi nay hafta ke roz mukhtalif mehakmon ke aala ohdedaron ke sath budget ki tajaweez ka jaiza liya. shaakhon se kaha gaya ke woh saal 2019-20 ke budget ki tajaweez ko fori tor par mehakma khazana ko pesh karen.
Wazeer-e-aala KCR nay kaha ke jald hi ek aala sathi jaiza liya jayega aur kaha ke mehakmay, tajaweez ko jald mukammal karen. mukhtalif mehakmon ke ohdedaron se, mutaliqa wazraa se jaiza meeting mukammal karne ko kaha gaya hai.
Mazkoorah ijlaas mein hukoomat ke khusoosi secretaries, jin mein Rajeshwar Tiwari, Chitra Ramachandran, Adhar Sinha, Somesh Kumar, Shanti Kumari,, cheif secretaries aur mukhtalif mehakmon ke commissioners shareek hue. –YTN STAFF