Hyderabad : Telangana high court ne mangal ke roz TSRTC mulazmeen ki unions JAC ko chaharshambe ke roz saroornagar Stadium mein jari ghair muayana muddat ki hadhtaal ke ek jalsay ki ijazat dedi hai. high court ne yeh hukum TSRTC mulazmeen ki union rehnumao ki taraf se ek awaami jalsay ke ineqad ki ijazat dene ki darkhwast dair karne ke baad jari kiya.
Adalat ne apne hukum mein, union qaideen se mazkorah ijlaas 2 bajey se shaam 5 bajey tak rakhne ko kaha. muqami police ki janib se is awaami jalsa ki ijazat dene se inkaar ke baad RTC mulazmeen unions ke rehnumao ne high court se rujoo kiya.
Darkhwast mein TSRTC Unions ke rehnumao ne adalat se istada ki ke woh inhen dopehar 2 bajey se shaam 6 bajey tak jalsa-e-aam karne ki ijazat den. taham adalat ne is waqt mein ek ghanta ki kami kardi aur union rehnumaoun se shaam 5 bajey tak ijlaas munaqqid karne ki Hidayat di. –YTN STAFF