Hyderabad: Telangana mein budh ko coronavirus ke 2012 naye mamlaat darj kiye gaye. Is terhan riyasat mein is infection ke mamlaat ki tadaad badh kar 70,958 hogayi hai. Guzashta roz 13 afraad ki mout is se hogayi. Riyasat mein ab tak corona se marnay walon ki tadaad 576 hogayi hai. Mehakma sahet ke hukkaam ney 21,118 muanay kiye aur 2012 mamlaat darj kiye. Director sahet aama-o-khandani behbood ki janib se jari kardah Bulletin ke mutabiq riyasat mein corona ke jumla mamlaat 70,958 hogayi hai. Jumla 1139 afraad robah sahet hogaye jin ko riyasat ke mukhtalif Hospitals se gharon ko jaaney ki ejazat de di gayi.
Is terhan ruba sehat honay walon ki tadaad 50,814 hogayi hai. ohdidaro ney kaha ke riyasat mein 19,568 sargaram corona ke mamlaat hain. Is Bulletin ke mutabiq GHMC hudood mein corona ke 532 naye mamlaat darj kiye gaye. Medchal Malkajgiri, 188 Ranga Reddy Dist, 127 Warangal Urban Dist,97 in Khammam,89 Sanga Reddy Dist, 83 Nizamabad Dist, 49 Nalgonda Dist, 41 Peddapally Dist, 51 Mehboob Nagar Dist, 48 Jogulamba Gadwal Dist, 46 Jayshankar Bhopal pally Dist, 58 Bhadradri Kotagudam Dist, 41 Karim Nagar Dist and 75 Cases aur Kamareddy Dist