Hyderabad: Telangana Assembly ke Monsoon session ka paiir ki subah 11 bajay aaghaz huwa. Covid wabai amraaz ke pesh-e-nazar Assembly mein mutadid intizamaa kiye gaye. Coronavirus waba ke phelnay ke baad yeh pehla qanoon saaz ijlaas hai jis mein Covid guidelines ki pairwi karte hue coronavirus ke paish-e-nazar ijlaas munaqqid ho rahay hain. Qanoon saaz Assembly aur qanoon saaz council ke tamam members sameit wazeer-e-aala, Speaker, Council ke Chairman, Aur wazraa ke liye corona ki tasdeeq ke test laazmi hai, Aur sirf manfi paye jane walon ko hi ijlaas mein shirkat ki ijazat hogi.
Awaan ke aaghaz se qabal, Speaker qanoon saaz Assembly Pocharam Srinivas Reddy ney awaan ke members ko coronavirus guidelines ke ahteyati tadabeer padhaya. Speaker ney ewaan arkaan se kaha ke agar inhen khansi, Bukhaar, Zukam, Ho to awaan ko anay se guraiz karen, Aur is baat ko yakeeni banaye ke members ke darmain kam az kam 6 feet ki samaji doori ho, Tamam members ko mask pehnana chahiye, Aur Sanitizers ka istemaal karen, Speaker ney yeh bhi bataya ke lift ko ziyada se ziyada istemaal nah kiya jaye.
Telangana Assembly ke aaghaz ney paiir ke roz sabiq sadar jamhooria Pranab Mukherjee ki khidmaat ko yaad karte hue zabardast kharaaj tehseen pesh kiya aur monsoon ke ijlaas ke pehlay din hi taziyati qarardad manzoor ki, Wazeer-e-aala KCR ney aaj subah Assembly mein qarardad muntaqil kiya kiya, Jabkay wazeer-e-dakhla Mohammad Mahmood Ali ney qanoon saazi council mein qarardad muntaqil kiya.
Is mauqa par khitaab karte hue wazeer Alla KCR nay kaha ke ke Pranab da ke dehanat se qoum nay ek azeem rehnuma kho diya hai, Unhoun nay riyasat Telangana ke qiyam aur Andhra Pradesh tanzeem no Act 2014 ki tashkeel mein bhi Pranab Mukherjee ke kirdaar aur himayat ko yaad kiya. Is mauqa par mutadid wazraa aur members nay bhi sabiq sadar jamhooria Pranab Mukherjee ko kharaaj tehseen pesh kiya.