New Delhi. Aindah saal intikhabaat mein awaami taied ke husool ke liye BJP ki qaumi muhim ‘Samarthan ke liye Sampark’ ke hissa ke taur par qaumi sadar BJP Amit Shah ne kal sabiq cricket captain Kapil Dev ke ghar pohunch kar un ke arkaan khandan se mulaqaat karte hue Modi hukoomat ki karkardagi ki asaas par BJP ke liye taied talabb ki. is mulaqaat ke baad Amit Shah tweet kya ke ”Hindustani Cricket Team ke sabiq captain Kapil Dev aur un ki ahliya se Delhi mein un ki rihayeshgaah par mulaqaat umdah rahi.’tayeed ke liye rabita’ mulkgeer muhim ke hissa ke tor par inhen Wazeer e Azam @ Narendra Modi ki hukoomat ke guzashta chaar barson mein haasil kamyabion se waaqif karwaya. ”BJP ke sarbarah is mulkgeer muhim ka aaghaz sabiq Army Chief, General Dalbir Singh Suhag (retired) o sabiq Secretary General Lok Sabha Mr. Subhash Kayshap ki rihahishgaah se shuru ki thi. is muhim ke tehat Mr. Amit Shah raye aama hamwar karne walay 50 logon se mulaqaat karen ge jabkay 4, 000 deegar party qaideen bashmool wuzraa, arkaan Parliament o arkaan Assembly mulk bhar mein aik laakh se zayed mumtaz shakhsiyation se mulaqaat karen ge.