Shahjahanpur: Sabiq markazi wazeer aur BJP rehnuma -swami Chinmayanand, jin par ek Taliba ke sath zayad-ti karne ka ilzaam lagaya gaya hai. unki tabiyat kharab honay ke baad Shahjahanpur ke sarkari hospital mein daakhil karaya gaya hai.
73 sala siyasat daan Chinmayanand ko unke Hamra aasahram mein doctoron ki team ki janib se ilaaj kiya ja raha tha, jahan inhen 13 September se nazar band rakha gaya hai. Chinmayanand ki mazeed tabiyat bigadnay par Chaharshambe ke roz sarkari hospital mein daakhil karaya gaya hai.
Chief medical superintendent MP Gangwar ne kaha ”Chaharshambe ke roz unki haalat kharab honay ke baad, inhen medical college hospital mein daakhil karaya gaya hai. Chinmayanand ko Diarrhea ki beemari hai, inhen peer ki der raat be-chaeni ki shikayat par doctoron ko bulaya gaya tha, aur unka ilaaj jari tha.
Qanoon ki taleem haasil kar rahi Taliba ki ismat darri ke maamla mein Taliba ka bayan record karne ke liye adalat mein paish honay ke chand ghantoun ke baad Chinmayanand ki tabiyat bigadnay ka maamla samnay aaya. wazeh hoke qanoon ki Taliba ne Chinmayanand par ilzaam lagaya hai ke woh usay black mail karkay baar baar is ki Ismat darri ki hai.
Mazkoorah Taliba ne Chaharshambe ko dhamki di thi ke agar Chinmayanand ko giraftar nahi kiya gaya to woh apni jaan dedaygi, kyunkay is ne bayan record kar ke 15 din se ziyada ka arsa guzar chuka hai, lekin khusoosi tehqiqati team ( SIT ) ne abhi tak mulzim ko giraftar nahi kiya. –YTN STAFF