Riyadh: America se Information Technology mein Masters Degree Holder Saudi nojawan ki Abha mein chai ki dukaan ki video social media par Viral hai. Tafseelaat ke mutabiq wizarat afraadi qowat-o-samaji behbood ne Degree Holder Saudi nojawan ke video Clip ka Notice liya hai.
Saudi shehri Abdullatif Jarfan ne social media par video shaya ki thi jis mein dekha ja sakta hai ke wo Abha Al-Khamis Road par chai farokht kar raha hai. Video mein nojawan America se imtiazi maqam ke sath Information System mein Masters ki Degree bhi dikha raha hai.
Sarifeen ny is video par harangi, Afsos aur dukh ka izhar karte hue wizarat mehnat-o-samaji behbood se is video ka Notice lainay ki Appeal ki thi. Wizarat afraadi qowat ny nojawan se kaha hai ke wo pehli fursat mein asnad le kar wizarat poanch jaye. Is ke liye mulazimat ka bandobast kiya jaye ga.
darin Isna Riyadh Bank ny Abdullatif Jarfan se kaha hai ke hamaray yahan mulazimat paki hai. Bank ny Twitter ke apne Account par bayan mein kaha ke hum aisay Saudi ladkoon aur ladkiyon ke mutlashi hain jo achay achay khawab dekhte hain aur azm-o-iraday ke maalik hain. Bayan mein kaha gaya ke Abdullatif jaisay ba-azm nojawan hamara sarmaya hain. Jald hi Interview ka waqt tay karkay mamlaat tay karliye jayen ge.