Hyderabad : Wazeer-e-taleem G. Jagadish Reddy ney jumeraat ko kaha ke ”koyi bhi taleem ke shobay ko mazboot bananay aur riyasat mein Asateza ko izzat dainay mein, wazeer-e-aala K.Chandra Shekhar Rao ka muqabla nahi kar sakta.
Jagadish Reddy ney Ravinder Bharti mein reyasti hukoomat ki janib se munaqidah yom-e-Asateza ki taqreeb se khitaab karte hue kaha ke ”Telangana riyasat ke qiyam ke baad se, KCR taleem ke shobay ko awaleen tarjeeh day rahay hain.
Is baat ki nishandahi karte hue ke wazeer-e-aala riyasat mein taleem ke miyaar ko behtar bananay ke liye iqdamaat kar rahay hain, Jagadish Reddy ney kaha ke ”KCR ney pasmandah tabqaat, aqliyaton, SC , ST aur BC ke bachon ke liye rehaishi schoolon ka aaghaz kiya aur sirf taleem ke shobay par salana 15 hazaar crore rupaye kharch kiye.
Jagadish Reddy ney mazeed kaha ke KCR ney apne ustaad ko camp office mein bulaya hai aur unka ehteram kiya hai aur is silsila mein koi unka muqaabla nahi kar sakta. yeh batatay hue ke Asateza ki mulazmat kisi dosray peshe se ziyada itminan bakhash hai. is taqreeb ke douran Jagadish Reddy ney 43 school Asateza ko best teacher awards bhi pesh kiye, junior collegeoun ke liye 10 , Aided collegeon ke liye 5, degree collegeon ke liye 14 aur mutadid universitiyon ke liye 30 waghera. –YTN STAFF