New Delhi : Talaq-e-salasa ko kaal-adam qarar dainay ka bill mangal ko Rajya sabha mein Manzoor hogaya. is se qabal yeh bill Rajya sabha mein Manzoor nahi hosaka tha, lekin aaj Modi hukoomat yeh bill Manzoor karanay mein kamyaab hogayi. Rajya sabha mein Talaq-e-salasa bill ki himayat mein 99 vote pade, jabkay iski mukhalifat mein 84 vote pade.
Muslim khawateen ( huqooq baraye tahaffuz baraye shadi ) bill 2019 ko, markazi wazeer qanoon Ravi Shankar prasad nay behas aur manzoori ke liye ewaan baala mein paish kiya.
Rajya sabha mein aaj teen Talaq bill par behas ke douran bill ko Select Committee ke paas bhejnay ki tajweez kharij ho gayi. Select committee ke paas bhajnay ki tajweez ke haq mein 84 aur mukhalifat mein 100 vote pade. Talaq-e-salasa bill ko ab Select committee ke paas nahi bheja jaye ga aur ab koi tarmeemi tajweez bhi nahi aayegi. is se qabal oppostion leader ghulam nabi azad nay is bil ko Select committee ke paas bhejnay ka mutalba karte hue is ki mukhalfat ki thi. –YTN STAFF