Dubai: Musalsal 2 nakamiyoo ka saamna karne wali Delhi Capitals mangal ko Playoff mein jagah haasil karne ke iraday se Sunrisers Hyderabad ke khilaaf IPL match mein utre gi jabkay Hyderabad ke liye yeh karo ya maru ka muqabla huga. Delhi 11 matches mein 7 fatohat aur 4 shikast ke zareya 14 nishanaat ke sath teams table mein dosray number par hai jabkay Hyderabad 11 matches mein 4 fatohat, 7 shikast aur 8 nishanaat ke sath satwen number par hai. Umeedon ko barqarar rakhnay ke liye Hyderabad ko yeh match jeetna hoga warna un ka IPL safar khatam hojaye ga.
Delhi apne aakhri 2 match Kolkata Knight Riders se 59 runs aur Kings XI Punjab se 5 wickets se haar chuki hai. Delhi ki aakhri kamyabi Sharjah mein Chinnai Super Kings ke khilaaf 5 wickets se hui thi. Playoff mein jane ke liye Delhi ko apne baqi 3 matches mein se sirf 1 mein kamyabi haasil karna hogi. Delhi ke fast bowler Kagiso Rabada ne bhi kaha hai ke team ko pichli shikast ki wajah se kuch pareshani la-haq hogayi hai. Kolkata ke 194 ke score ke jawab mein Delhi ki team 135 runs hi bana payi hai.
Delhi ke opener Shikhar Dhawan ki umedon par bohat ziyada enhesaar karta hai jo pichlle match mein 6 runs banakar out hue thay jabkay is ne pichlle 2 Matches mein 2 na qabil-e-shikast Centuries Score rakhe. Delhi ko apni batting mein behtari laane ki zaroorat hai tab hi woh Hyderabad ke khilaaf jeet ki tawaqqa kar saken ge.
David Warner ki zair qayadat Sunrisers Hyderabad ki team ko apne aakhri match mein Punjab ke khilaaf jeetnay ka sunehri mauqa mila tha lekin is team ko 12 runs se shikast ka samna karna pada tha. Punjab ko 126 runs tak mehdood rakhnay ke baad Hyderabad 114 runs bana saka. Hyderabad ne apni aakhri 7 wickets mehez 14 runs ka izafah karkay kho den. Warner ko apni team ki batting mein behtari laane ke liye sakht mehnat karni pade gi warna is ka wapsi ke waqt mein der nahi lagey gi.