Mumbai : Bollywood chandni sri devi ki mout ke mutaliq ab ek naya inkishaaf kiya gaya hai ke unki mout nahi qatal hai.Sridevi feb 2018 mein Dubai ke ek hotel mein ziyada sharaab noushi karne ke baad nahanay ke douran Bathtub mein doob kar halaak hui theen. Sridevi ki achanak mout par Hindustan aur arab media mein kayi baatein hui theen aur shaiqeen ko kisi tarhan yeh yaqeen nahi aaya tha ke woh achanak kaisay chal baseen? ibtidayi tour par khabrain samnay aayi theen ke unki mout harkat-e-qalb band honay ki wajah se hui, taham baad azan post mortem report mein bataya gaya ke unki mout baath tub mein nahanay ke douran doobnay se hui.
Sridevi ki achanak mout ke baad Dubai police ney bhi unke qatal ki tehqiqaat ki theen aur mehez 3 din baad tehqiqaat ko mukammal karte hue bataya gaya tha ke adakara ki mout hadsati tor par baath tub mein doobnay se hui. Dubai police ke mutabiq sridevi nay marnay se qabal bohat sharaab noshi ki thi, is liye nahanay ke douran woh be hosh hogai aur baath tub mein doob kar halaak huien. Dubai police nay sri devi ke qatal case ki tehqiqaat band karte hue unke shohar Boney Kapoor sameit deegar afraad ko har tarhan ki tahaqeeq se azad qarar diya tha. Sridevi ki hadsati mout par agarchay hindustani media aur showbiz shaksiaat pehlay bhi 6 mugoiyyan karti aa rahi hain, taham ab ek aala police ohdedar nay bhi kaha hai ke inhen munazzam mansoobah bandi se qatal kiya gaya.
Junoobi riyasat kerala ke akhbar kerala kamandi ke mutabiq reyasti jail ke DGP Rashi raj nay kaha hai ke inhen apne anjhani surgeon dost nay bataya tha ke is baat ke saboot moujood hain ke sridevi ko qatal kiya gaya. DGP nay akhbar mein likhay gay mazmoon mein daawa kiya ke inhen unke surgeon dost dr Imadhatan nay kaha ke ab tak ke samnay anay walay saboton se yeh baat durust tor par saabit nahi hoti ke sridevi ki mout haadsa thi. police officer nay apne aanjhani dost Dr ka hawala dete hue daawa kiya ke unhoun nay aisi kayi batoun ki nishandahi ki jinki mazeed tafteesh se yeh saabit ho sakta tha ke Sri Devi ko munazzam mansoobah bandi ke tehat qatal kiya. unhoun ney mazmoon mein inkishaaf kiya ke unhon nay aur dr imadhatan nay kayi mushkil muqadmaat ko mil kar hal kya aur sri devi ke qatal ke muqadmay ko samnay anay walay saboton ko dekh kar lagta hai ke inhen munazzam mansoobah bandi ke tehat qatal kiya gaya.
DG pi rashi raaj singh nay kisi mustand saboot ka hawala diye baghair mfrozon ki bunyaad par daawa kya ke un ke khayaal mein sri devi ko munazzam mansoobah bandi ke tehat qatal kya gaya. Sridevi ki par asaraar halakat par pehlay bhi police ohdedar aur jasoos yeh ke chuke hain ke inhen munazzam mansoobah bandi ke tehat qatal kiya gaya tha. rawan baras May mein Dehli ke ek jasoos idaray mein tafteeshi ohdedar ki khidmaat anjaam dainay walay sabiq police ohdedar ney bhi daawa kiya tha ke Sridevi ko munazzam mansoobah bandi ke tehat qatal kiya gaya. sabiq police ohdedar nay bhi Dubai police ki janib se jald baazi mein tahaqeeq ko band karne aur adakara ke mout ko mustand saboton ke baghair hadsati qarar diye jaane par kayi sawalaat uthaye they aur Daleel di thi ke kis tarhan sridevi ki pur asaraar mout munazzam mansoobah ke tehat hui. –YTN STAFF