Hyderabad: Winter T16 League Tournament mein etwar ko ek dilchasp muqaabla mutawaqqa hai jaissa ke Event ki tahaal sare fehrist Team Safa 11 ka muqaabla tajurbahkar Sonnet Always Professional team se hoga aur jarehana Opener Aijaz Ahmed phir ek martaba tavajja ka markaz hon ge. 6 Teamoun par mushtamil is Tournament ke ibtidayi 3 muqabloun mein fatohat ke zareya Safa 11 team pehlay maqam par mojood hai aur wo Sonnet ko shikast day kar final mein rasai ko yakeeni bana sakti hai.
Doosri janib guzashta muqablay mein 165 Runs ka himaliyai Sore sirf 2 wicketoun par 13.03 Runs fi Over se kamyaab taqub karne se Sonnet ke hauslay buland hain aur naqabel taskheer Safa 11 ko shikast de kar final ki apni raah hamwar karne ke liye koshan hogi kyunkay Tournament mein Viru Karudas behtar Run Rate ki wajah se dosray maqam par mojood hai.
Safa 11 ke liye Sonnet ke opener Aijaz Ahmed asal nishana hon ge jinhoun ne guzashta muqablay mein 111 not out ki shandaar Inning khili hai. Yaad rahe ke 6 teams ke ye Tournament round Robin tarz par khela jaraha hai aur ibtidayi 3 muqabloun ke baad Safa 11 jahan pehlay maqam par mojood hai wahein difai Champion Viru Karudas aur Sonnet ke darmain run rate ka farq hai halaank dono hi teamoun ne apne 3 muqabloun mein 2 fatohat haasil ki hain. –YTN STAFF