London: Safaid faam Americi Police ohdedar ke hathoun siyah faam Americi shehri George Floyd ke qatal par muzahiroun ka silsila Bartania tak ja pouncha. Siyah faam Africi Americioun se izhaar-e yak jehti ke liye London ki sadkoun par March kiya gaya. Alawa azeen Bartania ke baday shehroun Birmingham, Manchester, aur Glasgow mein bhi muzahiroun ki mansoobah bandi ki gayi hai.
Wazeh rahay ke chand roz qabal Americi riyasat Minnesota mein ek safaid faam police ohdedar ne siyah faam shehri ko giraftar karte huve is ki gardan par ghotna rakha tha jis se saans lainay mein dushwari ke baad is ki mout waqay hogayi thi. Waqeye ki video manzar aam par anay ke baad America mein muzahiray phoot pade jis ka daira riyasat Minnesota se nikal kar doosri reyastoun tak phail gaya hai. Siyah faam shakhs ke qatal mein mulawis matlooba police ohdedar ko bhi giraftar karliya gaya hai lekin halaat mamool par nahi aaye hain. –YTN STAFF