Sharjah: Sharjah mein bain-ul-aqwami kutub Mela ekhtetaam Pazeer hogaya.11 din taq jari rehne walay melay mein 81 arab aur deegar mumalik ke do hazaar se ziyada nashran ney apne stall lagaye they. kutub melay mein 1 arab se zayed kitabon ki kharidari ka moahida bhi tey huwa hai. Emarat Al Youm ke mutabiq ne 38 wah salana kutub Mela tha. mubahisay aur zindagi ke mukhtalif shobo se talluq rakhnay walay ahem mozuaat par seminar hue. adab ka noble inaam panay walay mashahir bhi shareek hue.
Sharjah kutub melay ne is martaba kitaboun par dastakhat karwanay waloun ki tadaad ke hawalay se record tod diya.1502 musanifeen melay mein apni kitaboun par dastakhat ke liye moujood they. duniya ki mukhtalif zabanoun mein kitaabein melay mein pesh ki gayi the. Record 2.5 million afraad naye kutub melay mein dilchaspi ka izhaar kiya. Sharjah se qabal Turkey ke bain-ul-aqwami kutub melay ne is hawalay se aalmi record banaya tha, jahan 1423 musanifeen apni kitaboun par dastakhat ke liye shareek hue they. Sharjah kutub melay mein Amsal aizazi maheman Mexico ko banaya gaya tha. Lebanon ki Naqid khatoon Dr yemeni Al A’ed ko amsal ki saqafati shakhsiyat ke tor par muntakhib kiya gaya.
Bain-ul- aqwami adeeboun aur maroof mahireen ablaagh ko bhi roshnaas karwaya gaya. un mein Americi journalist stephin horway aur noble award yafta tark novel nigaar Orhan Pamuk qabil-e-zikar hain. Sharjah kutub melay mein Oscar award yafta Hindustani hidayat-car Samboransisko ne apne tajurbaat se shuraka ko waaqif karwaya. International novel par pokar award Yafta Musanifa Jokha Al Harthi aur Hindustani shayar Vikram seth bhi shareek they.
Sharjah books authority ke chairman Dr.Ahmed Alamry ney kaha ke 11 dinoun ke douran 38 sala tajurbaat ka nichor pesh kiya gaya. Sharjah kutub mela har saal munaqqid ho raha hai. Sharjah ke sarbarah Sheikh Dr. Sultan bin Mohammad Alqasmi ney salana kutub melay mein shareek nashran se naye kitaabein kharidnay ke liye 45 laakh Dirham ka budget jari kiya tha. wo har saal kutub melay se nai kitaabein kharidnay ke liye khusoosi budget faraham karte hain taakay ek janib nashran ki hosla afzai ho aur muqami bashinday naye kitaboun se istefada kar saken. programoun mein 68 arab aur deegar mumalik ke 173 musanifeen aur novel nigaar shareek hue. –YTN STAFF