Sharjah: UAE ki riyasat Sharjah ki 48 manzila imarat mein mangal ki raat khofnaak aag bhadak uthi. Media ne Sharjah ke sarkari Media Office ke hawalay se bataya ke Sharjah ke ilaqay Al Nahda mein waqay Abbco Tower mein atishzadgi se 9 afraad zakhmi hogaye.
Shehri difaa ko raat 9 bajey aag lagnay ki ittila mili. Fire Fighter foran hi jaye waqoa par puhanche. Ibtidayi Report ke mutabiq aag imarat ki dasven manzil par lagi jis ne Degar manzloun ko bhi lapait mein le liya. Shehri difaa ki Emergency Teams ne ek darjan Fire Engine aur mutadid Doors ki madad se kayi ghantoun ki koshisho ke bad aak par qabo paliya. Viral honay wali Video mein aag se lipti imarat ki bulandi se neche khadi gadioiun par malba girtay dekha jasakta hai.
Malba girnay se neechay khadi gadiyoun ko nuqsaan pouncha jabkay atishzadgi se imarat ka ek hissa mukammal tabah hogaya. Emarat ke akhbar The National ke mutabiq Abbaco Tower ke qareeb kam az kam 5 imaartoun ke rahaishion ko bhi hifazat ke pesh nazar waha se nikala gaya hai. Abbco Tower mein rehash pazeer afraad ko UAE ki Halal Ahmar ne rahaish faraham ki hai. –YTN STAFF