Moscow: Tennis meydanon mein 15 saal se apni salahiyaton ka loha manwane wali Roosi Tennis queen Marria Sharapova ney kaha ke meri zindagi mein sab se mushkil kaam safar aur schedule hai. Har waqt schedule badalta rehta hai. Aik interview ke douran Sharapova ney kaha ke apne career ke douran hamein rasta talaash karna padta hai. Mujhe apne afraad khandan se mohabbat hai jab se mein peda huwi hon mein apni family kay sath ziyada wabsta hon jo meri zindagi ka sab se Haseen lamha hai.
Dosti ke sawal ke jawab mein unhon ney kaha ke mere bohat saaray dost hain jab se career shuru huwa hai doston ki fehrist taweel ban chuki hai. Aik sawal ke jawab mein sabiq aalmi number aik roosi Tennis Star Sharapova ney kaha kuch doston ka talluq tennis se hai, kuch dost deegar khelon se wabsta hain jabkay mutadid karobari afraad bhi mere doston ki fehrist mein shaamil hain. Meri parwarish Roosi culture mein huwi jahan is terha culture hamaray bohat qareeb hota hai jis se kaafi achi yaadein wabsta hain.
Sharapova ney mazeed kaha ke pichlle kuch arsay ke douran mein ne Amrici culture apnaya hai jahan mein ney seekha hai ke yahan ke log dosti mein kaafi achay hain lekin jab faraghat ke lamhaat mein apne Mulk wapas jati hon to sab achi cheeze khanay ko tarjeeh deti hon. Roos mein mojoodgi ke douran mein bohat ziyada mazah pasand karti hon.