Hyderabad: Jubilee hills ilaqa jo ke Sheikh ke tehat aata hai, ke aas paas abad colonies ko guzashta 6 barson mein mukammal tor par nazar andaz kardiya gaya hai. Waqt ke sath sath ilaqay mein shehri masail aur bhi kharab hotay gaye hain. taraqqi ki kami ki wajah se mushtael, mutadid colonies jaisay viratnagar, MJ nagar, Aadtiyanagar, surya nagar aur teja nagar mein awam apne siyasi leadron se itnay bezaar ho chukay hain ke ab unke zehnon mein GHMC intikhabaat mein NOTA par tick laganay ka ek hi rasta deekhaee dey raha hai. mutadid sadkain kharab haalat mein hain, jabkay androoni galiyo, mean sadakhoun aur hakeem pet kanta jheel ke aas paas tamirati malba sehat ke liye Muzmer hochuka hai.
Yahan ki awam ne kaha hai ke jubilee hills ke ilaqoun may selaab se bachney ke liye tufaan ke pani ke nikasi ke nizaam ki ashad zaroorat hai. Hamein siyasi leadron ke bayanaat mein jis taraqqi ki baat ki jari hai is taraqqi ki zaroorat nahi hai. hamein sirf naalon ki safai aur munasib sadakhoun ki zaroorat hai. aam intikhabaat ke baad ek bhi wada poora nahi hua, aur na hi koi ek siyasatdan hamari sadakhoun par aaya. Ye ilaqa macharoun se bhara hua hai, aur yahan badbu phaile hui hai. hum kisi ko vote kyun den? tamam afraad ka yeh mushtarqa sawal hai.
Yeh siyasatdan nahi hain, yeh hukoomat hai jo ilaqay ki taraqqi ke liye mutasib hai. hum jubilee hills ke rahaishion se itna hi tax liya jata hai. is kuhsos mein izhaar-e-khayaal karte hue sakeena foundation ke saddar aur surya nagar ke rehaishi Asif Hussain Sohail ne kaha hai ke hum ek hi halqay ke tehat atay hain, lekin hamein yaksar nazar andaz kiya gaya hai.
Jubilee hills mein wasee pemanay par taraqqi ho rahi hai. lekin jab koi bas film nagar ko uboor karta hai to ye ilaqa shehar ka muzafati ilaqa nazar aata hai. isi wajah se, hum ne ek muhim ka aaghaz kiya hai aur hum raye dahindgaan se appeal kar rahay hain ke woh NOTA muntakhib karen. Hum vote denge, lekin siyasatdano ka boycott karenge.
Shaikpet ke virat nagar ke rehaishi M sudhir ne kaha pipe line aur nikasi aabb ka bhi kaam karne ki zaroorat hai. hum hukoomat se sadakhoun aur nikasi aabb ke nizaam ki marammat ke liye darkhwast karte rahay hain lekin is ki taraf koi qadam nahi uthaya gaya hai. Taraqqi ko faramosh to darknar yahan bunyadi sahuliyaat fraham karne mein bhi hukoomat nakaam hai. Masail ki bohtat hai aur Shaikpet ke ilaqay mein mutadid sadkain kharab haalat mein hain jabkay androoni galiyo, ahem sadakhoun aur hakeempet kanta jheel ke aas paas tamirati malba sehat ke liye Muzmer hai.