Gujrat: Gujrat ke shehar Surat mein ek ajeeb o ghareeb waqea samnay aaya, Jahan shadi se ain qabal dulhay ka baap dulhan ki maa ko le ko faraar ho gaya. Ittila ke mutabiq, Ye dono college ke dinoun se hi ek dosray ko jantay they.
Dono apne bachoun ki shadi se taqreeban 1 mah qabal ghaib ho gaye. Un ki ghumshudgi ki wajah se ladka aur ladki ki shadi bhi ruk gayi. Jo February ke dosray haftay mean honay wali thi. Lekin dulhay ke 48 sala baap aur dulhan ki 46 sala maa ke la patah honay par shadi multawi hogayi.
Media report ke mutabiq, ladke ka baap Katargam ilaqa se aur ladki ki maa Navsari se laa pata ho gaye. Un dono ke lawahiqeen ne khad sheh taher kiya hai ke wo dono bhaag gaye hain. Dono khandanou ne police mein ghumshudgi ki report darj karai hai. Ittila ke mutabiq wo dono ek dosray ko collage ke daur se hi jantay they aur dono Katargam ke ilaqa mein padosi reh chuke they. Aur achay dost they.
Un ke qareebi dostoun ke mutabiq, Is se qabal bhi dono ke darmain taluqaat they. Taham un dono ki shadi ho gayi aur milna band ho gaya. Aakhir-kaar wo dono apne bachoun ki aapas mein honay wali shadi se kuch din qabal hi ek dosray ke sath bhaag gaye. Is waqea ke baad ilaqa ke loog herat mein hain. –YTN STAFF