Hyderabad. Hyderabadi nazaad 25 sala naujawan ko jummay ke din Hyderabad pahonchanay par apni muashuqa ka mazhab tabdeel kerwatay hue shadi ka jhansa dainay ke ilzaam mein girftar karliya gaya hai. Rachakonda police ne Safdar Abbas Zaidi ko aik 25 sala khatoon ko dhoka dainay ke ilzaam mein uss waqt giraftar karliya jab woh Dubai se wapas Hyderabad lauta. Malkajgiri Police ke mutabiq arushifa ka saakin Zaidi Dubai mein rehaish pazeer hogaya tha, khatoon se iss ki mulaqaat uss waqt hui thi jab yeh dono Hyderabad mein Software Company mein kaam karte thae. Jald hi dono mohabbat mein giraftar hogaye aur aik dosray se taluqaat istewwar karliye. kuch waqfa ke baad Zaidi Dubai ke liye muntaqil hogaya aur uss ki girlfriend bhi kuch dinon baaubai chali gayi chunkay ladke ne shadi karne ka wada kya tha. Iss ke baad ladki ne apna mazhab tabdeel karte hue islam qubool karliya chunkay mulzim ne kaha tha ke shadi ke liye aisa karna zaroori hai. Hatta ke dono ke khandan iss shadi ke liye amaada thae aur Jaria saal April shadi ki tareekh taye kar di gayi thi, taham kuch mah baad iss joday mein ikhtilafat ubharna shuru hogaye jis ke nateeja mein shadi mansookh kar di gayi. Shikayat ki asaas par Police ne IPC ki daf-aat 376 (asmat raizi ki saza), 417 (dhoka dahi ki saza) aur 420 (fraib aur ahadshikni bashmool jaedad ki muntaqili) ke tahet muqadma darj karliya aur mulzim ki talaash ka notice jari kya. Jummay ke din Hyderabad Airport par pahunchnay par mulzim ko girftar karte huve adalti tehweel mein day diya gaya .