Hyderabad : Telangana state legislative council ke sabiq qaied opposition Mohammad Ali Shabbir ney chaharshambe ko reyasti wazeer-e-aala KCR par riyasat mein shoba sahet ko nazar andaaz karne ka ilzaam lagaya.
Shabbir Ali ney ek news clip share ki, jis mein daawa kiya gaya hai ke Niloufer hospital mein4 bachon ko ek hi bed per sulane par majboor kiya gaya tha. unhon ney tweet kiya ke ”Ye Hindustan ki sab se Ameer riyasat ki haqeeqat hai. Aur mutadid bimarion se mutasir 4 bachay ”ek hi bistar par letnay ke liye majboor hain.
Shabbir Ali ney kaha ke wazeer-e-aala KCR aur unke Farzand KTR kab apni farebi duniya se bahar niklenge. aur jhutay daaway karna kab chodenge. Unhon ney kaha ke ”ye haeran kan baat hai ke KCR ney sahet ki sorat-e-haal par ek bhi jaiza ijlaas munaqqid nahi kiya, jabkay hazaron afraad dengue , malaria aur deegar bimarion se mutasir hain.
Ek aur tweet mein Shabbir Ali ney, maali nazam wo zabt se mutaliq mashwaray dainay par wazeer-e-aala ka mazaaq udaya. unhon ney kaha ke Kaleshwarm mein VIPs ke Ahaef ke liye ”1.66 crore rupaye zaya karne ke baad KCR ab maali nazam wo zabt ki baat kar rahay hain.
Congress rehnuma ney mazeed kaha ke ” KCR aur unke ahal-e-khana ke shahana tarz zindagi ke lakhoon ki awaami raqam be-dardi se kharch ki gayi hai. Shabbir Ali KCR se mutalba kiya ke woh guzashta chand saloun mein pragati bhavan aur unke khandani douroun par honay walay akhrajaat ki tafseelaat batayen. –YTN STAFF