New Delhi. September ke mahinay ko sitam gar bhi kaha jata hai kyunkay is mahinay mein aksar aisay waqeat runuma hotay hain jo kay aam aadmi ke liye masail peda karte hain aur ab aisa hi aik sitam yakam September se shuru honay wala hai. Hindustan mein September ki pehli tareekh se kayi badi tabdilyan ki jarahi hain. Un mein traffic qawaneen ki khilaaf warzi karne par jurmana ki raqam kayi guna kiye jany aur bank account se aik crore rupay se ziyada nikaalte par Tax Deduction at Source (TDS) jaisay kayi tabdeelian ho jaien gi.
Sadak hadsaat mein musalsal ho rahay izafah ke paish e nazar usoolon ki khilaaf warzi karne par jurmana ki raqam mein kayi guna izafah kya gaya hai. Is zabita se mutaliqa bill parliment ke pichlle ijlaas mein hi Manzoor huwa tha. Jurmana mein izafah yakam September se nafiz hojaye ga.
Naye usoolon ke mutabiq bagar driver licence gaadi chalanay ki raqam ko aik hazaar rupay se barha kar paanch hazaar rupay kya gaya hai. sharaab pi kar gaari chalanay par ab 10 hazaar rupay ka jurmana hoga. pehlay yeh raqam do hazaar rupay thi. muqarara hadd raftaar se taiz raftaar chalanay ke maamla mein jurmana ki raqam ko 500 rupay se badha kar paanch hazaar rupay kya gaya hai. emergency khidmaat ke kaam mein lagi gaadiyon guzarnay ke liye jagah nahi dainay par 10 hazaar rupay ka jurmana ada karna hoga. gaari chillatay waqt mobile par baat karte huwe pakdae jany par paanch hazaar rupay ka jurmana dena hoga. Baghair helmet ke do payeeye gaadi chalanay par aik hazaar rupay jurmana aur teen maheena ke liye licence zabt kya ja sakta hai. ab taq is ka jurmana sirf 100 rupay hota tha. is ke ilawa deegar traffic qawaid ki khilaaf warzi karne se mutaliq qawaneen ko bohat sakht banaya gaya hai.
Rawan maali saal ke aam budget mein aik baras ke douran aik crore rupay se zayed ki raqam nikaalte par do feesad TDS ka iltazam kya gaya hai. Yakam September se bank ko kisaan credit card (KECC) kisaan ko pandrah din ke andar jari karna hoga. Mulk ke sab se badey karobari bank Stat Bank of India ka home lone bhi itwaar se sasta hojaye ga. agar aap PayTym aur phone pey jaisay mobile vialet ka istemaal karte hain to aap ko apne gahak ko jano (KYC) 31 augst tak poora karna zarori hai nahi to mobile vailet ki ijazat nahi hogi.
Life insurance ki muturerity ki raqam qabil tax honay par asal aamdani par paanch feesad ke hisaab se TDS dena hoga, jin logon ney ab taq aadhar number ko pan card se nahi jora hai income tax mehakma inhen naya pan number jari kere ga.