Riyadh: Saudi Arab mein Saudion ke naam se bairooni afraad ke kaarobar ki parda poshi ka naya qanoon jari kiya gaya hai. Naye qanoon ki defaa 10 mein wazahat ki ki gayi hai ke adalat se tijarti parda poshi ka hatmi faisla jari hojane par ghair qanooni tareeqay se haasil kardah doulat zabt karli jaye gi. Saudi khabar-rasan idaray SPA ke mutabiq ke agar koi Saudi shehri apne naam se kisi ghair mulki ko kaarobar karwa raha ho aur is karobarse Saudi Arab ya ghair mulki ko aamdani horahee ho. Agar ghar\ir qanoni tareeqay se kamaai gayi is doulat ku qanoni tareeqon se zabt karne ki koi sabeel nah ho to aisi soorat mein ye maamla adalat mein le jaya jaye ga. Adalat ki janib se tijarti parda poshi ka hatmi faisla hojane par ghair qanooni doulat zabt karli jaye gi.
Naye qanoon mein ye gunjaish rakhi gayi hai ke agar public Prosecution tijarti parda poshi ke dairay mein anay wali doulat 60 roz ke liye ahteyati tadbeer ke tor par sarkar ki tehweel mein day sakti hai. Wizarat tijarat public Prosecution se darkhwast kar sakti hai ke tijarti parda poshi ke mashkook mulzimaan ko adalti faislay tak safar se roknay ki darkhwast kere. Saudi Arab mein hazaron bairooni afraad Saudi shehrion ke naam se mumlikat bhar mein apna kaarobar kar rahay hain. Kaarobar karne walay afraad kaarobar karwane walay Saudion ko mahana ya salana mutayana raqam dete hain.
Is raqam ke badlay Saudi shehri ek taraf to inhen apne naam se kaarobar ki ijazat dete hain aur doosri taraf qanoon nafiz karne walay idaron se inhen tahaffuz bhi faraham karte hain. Naye qanoon ke tehat bairooni mulk ke afraad ko apne naam se kaarobar karwnay par 5 baras tak qaid, 50 lakh Rial tak jurmane aur adalat ke hatmi faislay ke baad najaaiz doulat ki zabti ki saza muqarrar ki gayi hai jabkay Saudi shehri ko 5 baras ke liye black list kiya jata hai. Usay is douran kisi karobarki ijazat nahi hoti jabkay ghair mulki ko mustaqil bunyadon par black list karne ki hidaayat hai.