Saudi Arabia ki state security shoba ke tarjuman nay jummay ke roz bataya ke police nay ghair mulki anasir se raabtey aur hukoomat ke khilaaf manfi sar garmion mein mulawis saat afraad ko girftar kya hai. Al Arabia ke mutabiq state security ke tarjuman ka kehna hai ke security idaron nay musalsal reki ke baad 7 mushtaba afraad ko hirasat mein liya hai. girftar afraad Saudi Arabia ki salamti ko nuqsaan pohanchanay ke liye ghair mulki anasir ke sath rabton mein they. is ke ilawa unhon nay Saudi Arabiamein qaumi salamti ko nuqsaan pohanchanay ke liye logon ko bharti karne aur mamnooa sar garmion ke liye fndz jama karne aur inhen dosray anasir taq pohanchanay ki koshishen shuru kar rakhi theen. girftar kiye gaye saat afraad ke beron malik rabton ke baare mein tehqiqaat jari hain. mulzimaan ke khilaaf qanoon ke mutabiq karwai amal mein layi ja rahi hai.