Saudi Arabia mein “blue whale” video game se mutasir aik 12 sala ladke ne gilaay mein phanda daal kar khud kashi kar li. yeh waqea jumaraat ke roz Abha shehar mein paish aaya. mazkoorah ladke ke cosuon abdulah Fahid ne Al Arabiaia dot net ko bataya ke aas ke mamu ka beta blue whale game ke chungal mein phas kar apni jaan ganwaa betha jo bachon ko khail ke douran aglay marhala mein muntaqil honay ka challenge deta hai. Saudi sikoriti hakkaam maamla ki tehqiqaat kar rahay hain. wazeh rahay ke internet par blue whale Nami game Sarif ko 50 roz ke douran challenge karta rehta hai aur hatmi challenge mein woh khailnay walay se khud kashi ka mutalba karta hai. yeh game Sarif se is ki zaati maloomat ke ilawa aisi tasweer ya video bhi talabb karta hai jo challenge ko qubool kar ke mission poora karne ka saboot day sakay. abdulah Fahid ki janib se apne mamu ke betay ki khud kashi se mutaliq tweet social media par wasee pemanay par phail gayi. mukhtalif halqon ki janib se mutalba kiya gaya hai ke bachon ko is game ke khatray se bachanay ke liye mutaliqa idaray fori mudakhlat kar ke aagahi aur kari nigrani ko yakeeni banayen