Washington : America ke sadar Donald Trump ne Saudi arab ke tel rasad gaahon par hue hamlay ke baad Saudi arab mein fouj ke izafi force ki taenati ke faisla ko manzoori day di hai.
Secretary difaa mark is par ne media numaindon se kaha ke 14 sep ko Saudi arab ke tel plant Aramco par hamla ke baad Trump ne Saudi tel tansibat par kisi bhi tarhan ke hamla ko roknay ke liye fouj aur zururi hathyaaron ke taenati ki manzoori day di hai.
Amrici joint cheif of staff general joseph ne kaha hai ke mehakma difaa ne fil haal security forces ki taenati ka faisla nahi liya hai aur isko jald hi is silsila mein maloomat di jayegi. security forces ki tadaad hazaroun mein nahi hogi.
Ghor-e-talab hai ke 14 September ko Saudi arab ki do petroleum companiyon par drone se hamla kiya gaya. Saudi arab darasal Housi baghion ke khilaaf jung mein Yemen ko fazai hudood mein madad muhayya kar raha hai jis ke wajah se shuruvaat mein samjha ja raha tha ki yeh hamla housi baghion ne kiya hai taham America musalsal is ke peechay Iran ka haath honay ki baat keh raha hai. wahein Iran ne America ke tamam ilzamaat ki tardeed karkay hamlay mein shaamil honay se saaf inkaar kar raha hai. Amrici wazeer difaa mark asper ne pentagon mein hungami news conference karte hue kaha ke Amrici sadar ne Saudi arab mein izafi fouj bhejnay ki manzoori daydi hai. izafi fouj bhejnay ka faisla Amrici qaumi salamti ke aala sathi ijlaas mein kiya gaya.
Amrici wazeer difaa ke mutabiq Amrici fouj UAE mein bhi tainaat kiye jayenge. Amrici air and missile defense dastay sirf difai zimma dariyan sir anjaam denge. America ne izafi fouj bhejnay ka faisla Saudi arab ki darkhwast parkia taham fojion ki tadaad aur hathyaaron ki noiyat ka faisla hunuz baqi hai.
Doosri janib chairman joint cheif of staff general joseph ne kaha ke America ki janib se kiye gaye is faislay se Saudi arab ka fazai missile difai nizaam behtar hojayega. khaleej mein fouj ki munasib tadaad bhejenge jab ke fouji hazaroun ki tadaad mein nahi honge.
Amrici fouj Saudi bhejnay ka faisla oil rasad gaahon par hamlay ke baad kiya gaya taham America Riyadh ke Sultan air bees par missile difai battery nasb kar chuka hai jabkay Riaz ke Sultan air bees per 600 Amrici fouji pehlay se mojood hain.
Is par ne kaha Saudi arab ki darkhwast ke baad Trump ne Amrici fouj ko tainaat karne ki manzoori di hai jo wahan security ke liye hogi. hum wazeh karna chahtay hain ke America apne saathi mumalik ka mukammal tor par himayat karta hai. bain ul aqwami qawaneen ki paasdari ke liye hamein lagta hai yeh qadam munasib hai. –YTN STAFF