Riyadh: Saudi Arab mein Masjid Al Haram-o-masjid Nabawi ke umoor ki general presidency nay apni tareekh ke sab se baday mansoobay ki tayari shuru kar di hai. Naye hejri saal ke aaghaz par 24. 2020 master plan jari kiya jaye ga. Ye Presidency ki tareekh mein sab se bada mansoobah hoga. Is ki badolat kaam ka tareeqa mukammal tor par tabdeel hojaye ga. Website ke mutabiq Presidency ke sarbarah Alla Abdul Rahman Al-Sudais nay mansoobah bandi and Development Agency ko aindah Hajj mausam aur Umrah mausam ke liye jamia mansoobah tayyar karne ki hidaayat di hai. Tamam idaray mil kar jamia Schemes teyaar kare.
Al-Sudais ne general Presidency ke tamam ohdedaron se kaha hai ke wo apni karkardagi ko behtar, Mo-asar aur jadeed tar banayen. Digital ka bunyadi dhancha mazboot karen. Afraadi qowat tayyar karen. Masjid Al Haram aur Masjid Nabawi ke tamam karkunaan ke liye Special Course ki tadaad aur miyaar ko badhayen. Unhoun ne kaha ke khadim Harmian Shrifian Shah Salman Bin Abdalaziz aur Wali Ahad shehzada Mohammad Bin Salman muqaddas Masajid ki towsee aur tajdeed ke liye jumla wasail waqf kiye hue hain aur wo chahtay hain ke Hajj, Umrah zaireen ko jadeed tar mukammal saholaten muhayya hon.
Muqaddas Masajid ki anttamih un dinon aindah Umrah mausam, Ramadan mausam aur Hajj mausam ke liye tamam Schemes tayyar karne mein lagi hui hai. Yaad rahay ke intizamia ki rivayet hai ke ibadat ka ek mausam khatam hotay hi aglay mausam ki tayyariyan shuru kar di jati hain.
Is se qabal Saudi wizarat sahet ney kaha tha ke is saal ghair mamooli Hajj mausam ke douran Hajj maqamat par koi bhi Haji corona se mutasir nahi paaya gaya. Hajj media center mein sahet bulletin ke sath security force ki tayario aur Hajj khidmaat ke barey mein bhi tafseelaat faraham ki jarahi hain.