Riyadh: Saudi wizarat afraadi qowat o samaji behbood ne is saal sarkari o khangi idaroun ke mulazimeen ke liye Eid Al Adah ki tatilat ka elaan kiya hai. Website ke mutabiq wizarat ne bayan mein kaha hai ke sarkari mulazimeen ki tatilat jumaraat 23 July 2 Zee ul-Haja ki Duty mukammal kar ke shuru hon gi. Sarkari mulazimeen itwaar 9 August 19 Zee Ul-Hajja ko Duty par wapas ayen ge.
Wizarat afraadi qowat ney bayan mein kaha ke khangi aur baghair munafe walay sarkari idaroun ke mulazimeen ki Eid Al Adah ki chhutti 4 din ki hogi. Shuruvaat budh 29 July 8 Zee ul-Haja ki duty mukammal kar ke shuru hogi. Khangi idaroun ke mulazimeen paiir 3 August 13 Zee Ul-Haja ko duty par wapas ayen ge. Yaad rahay ke qanoon mehnat ki dafaa 25 mutabiq agar tehwar ya qaumi din ki chhutti haft roza chhutti mein mil rahi ho to aisi soorat mein mulazim ko chhutti se qabal ya is ke baad talaafi ki jaye gi.