Riyadh: Saudi Arab mein askari san-atoun ki general Corporation ne ittila di hai ke nai baktar band gaadi’ ‘ Al-Dhana ke naam se Saudi Arab mein tyaar hogi. Ye baktar band gaadi kaseer Al maqsad hai. Sarhadi muhafizoun ke idaray se moahida karliya gaya hai.
Tafseelaat ke mutabiq askari san-atoun ki general Authority ne kaha hai ke sarhadi muhafizoun ke sath nai baktar band gaadi ki tayari ka moahida wizarat dakhla ki shiraakat se kiya gaya hai. Fouji san-atoun ki general Authority ke matehat baktar band gaadi aur bhaari askari alaat ki factory qaim ki jaye gi jis mein bain ul aqwami miyaar ki jaded tareen bagtar band gaadi teyar ki hugi.
Askari san-atoun ki General Authority ke Governor Engineer Ahmed bin Al-Ohali ney kaha hai ke Al-Dhana nai baktar band gaadi androon mulk tayyar karne se Saudi sanat karoun ka muaqqaf mazboot hoga. Is ki badolat badi qaumi companiyoun ko aalmi satah par askari sanat mein apni hesiyat behtar bananay ka mauqa miley ga. Saudi vision 2030 ke mutabiq tey kiya gaya hai ke Saudi Arab askari khidmaat, Alaat aur aslehay ke liye mukhtas budget ka 50% androon mulk tayyar honay wali askari san-atoun par kharch kere ga. Askari san-atoun ke idaray ke sarbarah Mohammad Al-Mady ney kaha ke Al-Dhana baktar band gaadi ke liye tamam tajarbay karliye gaye. Ye bain ul aqwami miyaar ke ayen mutabiq hai.