Hyderabad. Mangal ke din Greater Hyderabad municipal corporation ( GHMC ) ke intikhabaat may raaye dahi ka aam josh wo kharosh ghayab tha.
Aatish geer 12 roza muhim ne raye dahindon ki badi tadaad mein aanay ki umedon ko paeda kardiya tha lekin raye dahi ka din intehai maayoos kin raha aur voting ka feesad record kam raha.
GHMC intikhabaat mein hissa lainay wali siyasi jamaaton ne hyderabad mein badey paemanay par muhim chalaye taham parties ki koshishen raaygan gayeen kyunkay raye dahindon ne polling booth par jane mein koi dilchaspi nahi deekhaee. Haerat angaiz tor per subah 11 bajey polling ka tanasub 9.9 feesad, 1 bajey, voting ka tanasub 18 feesad aur sah pehar teen bajey 24-25 feesad tha. film nagar club ke pooling both mein –apne haq raye dahi ka istemaal karne jane walay jubilee hills se taaluq rakhnay walay ek manoj choank gaya jab fehrist mein unka naam gayab tha. media se baat karte hue manoj ne kaha ke woh apna naam dhondne ke liye qareebi polling booths par gaye lekin saari koshish nakaam rahi.
Manoj ki ahliya ne kaha elections commission ne aagahi muhim chalaye aur logon se kaha ke woh apna haq raye dahi istemaal karen. ye mere shohar ke liye aisa dosra tajurbah hai. jab fehrist mein unka naam nahi hai to hum apne voting ka haq kis tarhan istemaal kar saktay hain? aisa lagta hai mere shohar sirf apne shanakhti saboot ke liye apna voter card istemaal kar rahay hain.
TPCC ke naib saddar aur sabiq rukan parliament Mallu Ravi ka naam bhi is fehrist mein gayab tha. unhon ne aala ohdedaron se shikayat darj karwai. Jiyaguda mein polling booth number 38 ki fehrist mein 914 mein se 657 voter gayab thay. voters ne dharna diya aur daawa kiya ke inhen apna naam online voter list mein mil gaya hai lekin both ke ohdedaron ke paas nahi hai. Neez bohat saaray voter, jinke naam fehrist mein hain corona ki wajah se dehaat gaye aur shehr wapas nahi aaye.
bohot se log apne aabadi maqamat par gaye aur GHMC intikhabaat ko kisi aur tateel ki tarhan hi istemaal karliya. jaisa ke hafta itwaar ko aksar tateel ka mizaaj hota hai aur ek din peer ko rukhsat li gayi to 4 din ek sath chhutti mil jane ke mansoobay ne bhi raye dahi ke tanasub ko bohat kam kardiya hai. kuch ne apne haq raye dahi ka istemaal nahi kiya kyunkay polling both apne ilaqay mein nahi thay. ECIL se talluq rakhnay walay ramu ne kaha ke inhen assembly intikhabaat ke douran talkh tajarbay ka saamna karna pada kyunkay unke naam aur unke qareebi ilaqon mein lagaye gaye polling both mein nahi tha. doosri taraf riyasati election commission ( SEC ) voter parchi taqseem karne mein nakaam raha. Siyasi jamaaton ne sirf apne kaarkunon aur cadre mein voter ki parchi taqseem ki. software companiyon ne chhutti ka elaan na karne ki wajah se bohat se log vote daalnay se door rahay software engineer Imran Khan , jo Kukatpaly mein muqeem hain unhoun ne kaha ke unhon ne apna vote is liye nahi dala unki company ne tateel ka elaan nahi kiya tha. media se baat karte hue imran ne kaha meri company ne intikhabaat ke baray may koi tateel ka elaan nahi kya tha. Is ke nateejay mein mujhe apna vote daalnay ka mauqa nahi mila.
Kuch raye dahindgaan ne kaha ke unhon ne apna vote is liye dala kyunkay inhen muqaabla ki fehrist mein se koi acha umeed waar nahi mila. Ameerpet division ke farhat khan ne kaha mai ne apna vote is liye nahi dala ke mujhe koi acha umeed waar nahi mila. agar mein apna vote istemaal karta hon to mujhe apna vote NOTA ko dena padega, is liye bhi mein ne vote daalnay ki zahmat nahi ki.