Hyderabad: Winter League T16 Tournament ke dosray Season mein Mohammad Aksam ( Aamir ) ki zair qayadat Team Safa Eleven ne 4 Wicketoun ki kamyabi haasil karte huve difai Champion Viru Karudas ko shikast di. Viru Karudas ne pehlay Batting karte huve 8 wicketoun ke nuqsaan par 99 Runs Score kiye they jawabi Inning mein Champion Safa Eleven ne 14.2 Overs mein 103/6 ki shakal mein muqaabla aur Cricket League Tournament apne naam karliya. Nishana ke taqub mein Mohammad Zaker ne 13 gaindoun mein 2 chowkoun aur 1 chhakay ki madad se 23, Mohammad Ismail ne 19 aur naazuk lamhaat mein Kishwar ne 8 gaindoun mein .2 chowkoun aur 1 chhakay ki madad se teez raftaar 18 runs score karte huve team ko kamyabi se hamkenar kiya.
Khetabi muqaabla mein Aleem ko Man of The Match qarar diya gaya. 6 Teamoun par mushtamil is Winter League mein Sonnet Always Professional ke jarehana Opener Mohammad Aijaz Ahmed ko behtareen batsman aur Viru Karudas ke A.B Tingu behtareen Bowler ka aizaz haasil huva. Aijaz ne 4 Match muqabloun mein 208.27 ki osat se 277 Runs score kiye jis mein 22 chhakay aur 23 chokay shaamil hain. Tingu ne 12 Wickten haasil ki. Tournament mein majmoi tor par 81 chhakay lagaye gaye they jis mein Sonnet Always Professional ne sab se ziyada 61 aur dosray Number par Safa Eleven ne 55 Boundaries lagaye. Tournament mein sab se ahmiyat walay khiladi ka award bhi Aijaz Ahmed ko hi haasil huva hai. Yaad rahe ke ye Tournament Rounders tarz par khela gaya tha aur dusra fehrist Teamoun ke darmain Final muqaabla huva. –YTN STAFF