Sarkari tau par hanooz elaan baqi. Parliamani intikhabaat mein barsar e iqtedar ittehaad ki kamyabi ka id-daa. Supreme Election Council ne hanooz qatee nataij ka elaan nahi kya hai. Hukumat Turkey ke aik tarjuman Bekir Bozdag ka kehna hai ke Tayyab Erdogan dobarah muntakhib ho chukay hain. unhon ne apne twitter par likha ke Turkey ke awam ne Erdogan ku nai nizaam ke tehat Turkey ke pehlay Sadar/aamilana ikhtiyarat ka haamil Sadar muntakhib karliya hai. Turkey awam ab se Sadar Erdogan kahey gi
Turkey ke Sadar Tayyab Erdogan ne mulk ke Sadarati intikhabaat mein apni kamyabi ka elaan kardiya hai aur kaha hai ke un ki party ne bhi Parliamani intikhabaat mein kamyabi haasil karli hai. itwaar ke din hui dohri raye dahi mein 56 million se zayed raye dahindon ko vote daalnay ka mustahiq qarar diya gaya tha. malik ki tareekh mein pehli martaba sadarat aur parliman ke intikhabaat back waqt hue they. Sadar Tayyab Erdogan ne ne ghair sarkari nataij ka hawala dete hue kaha ke woh intikhabaat jeet chuke hain. unhon ne apni Istanbul ki rihaishgah par kaha ke intikhabaat ke ghair sarkari nataij wazeh ho chukay hain. un nataij ke mutabiq malik ne mujh par sadarat ki zimma daari aur ohda sonpa hai. unhon ne kaha ke un ki party justice and development party ( AK party ) ki zair qayadat mahaaz ne bhi Parliamani intikhabaat mein kamyabi haasil karli hai. Asal oppostion party ne kaha ke is waqt shikast qubool karlena qabal az-waqat hogaavr kaha kay hamein yaqeen hai ke Erdogan ne 8 July ki azmaish se bachney hanooz 50% votes ki had ko paar nahi kya hai. Supreme Election Council ne hanooz qatee nataij ka elaan nahi kya hai. Hukumat Turkey ke aik tarjuman Bekir Bozdag ka kehna hai ke Tayyab Erdogan dobarah muntakhib ho chukay hain. Unhon ne apne twitter par likha ke Turkey ke awam ne Erdogan ku naiy nizaam ke tehat Turkey ke pehlay Sadar/ aamilana ikhtiyarat ka haamil Sadar muntakhib karliya hai. Turkey awam ab se Sadar Erdogan kahey gi.
Qabal azeen mausula ittila ke mutabiq Turkey mein Sadarati intikhabaat ke liye polling ke baad ginti ka amal jari hai aur kal daaley gay voton mein 70. 5 fisad ki ginti mukammal hogayi hai. Sadarati intikhabaat ke ghair hatmi aur juzwi nataij ke mutabiq Sadar Rajab Tayyab Erdogan ko qareeban 56 fisad votes ke sath apne hareef umeedwaron par bartari haasil hai. Sadar Erdogan ke madd e muqabil Secular Republican Party ke umeedwaar Mehram Anech ne 29. 4 fisad vote haasil kiye hain. Agar koi bhi Sadarati umeed waar kal daaley gay voton mein se 50 fi sad se ziyada vote nah le saka to 8 July ko dobarah dosray marhalay mein Sadarati intikhabaat hon ge. si an an tark aur dosray muqami nashriyati idaron ke mutabiq Sadar Erdogan ki hukumran jamaat Insaaf aur Taraqqi Party ( AK Party ) ne Parliamani intikhabaat mein daaley gay 61. 1 fisad votes mein se 45. 18 fisad votes haasil kar liye hain. is ki ittihadi qaumi tehreek party ne 11. 78 fisad vote haasil kiye hain. Is terha un dono jamaaton ko Parliamani intikhabaat mein wazeh bartari haasil honay ki umeed hai. Turkey mein pehli martaba wast mudti Sadarati aur Parliamani intikhabaat ke liye bayakk waqt vote daaley gay hain. Dusray do Sadarati umeedwaron Qaum Parast Good Party ke Miral Aeksaz ne saat fisad vote haasil kiye hain. Kurd Nawaz Peoples Democratic Party ke umeedwaar Salahuddin Demrits ke haq mein 6 fisad se bhi kam vote daaley gay hain. Democratic Party ko Parliamani intikhabaat mein bhi koi ziyada pazeerai haasil nahi hosaki hai. is ko 10 fi sad se bhi kam vote haasil hue hain. agar woh kul daaley gay voton mein se das fisad se ziyada vote haasil na kar saki to phir is ke hissay mein parliament ki koi nashist bhi nahi aaye gi.