Hyderabad : Sabiq rukan qanoon saaz council Mohammad Saleem ki qanoon saaz council ki rukniat khatam honay ke bawajood saddar nasheen waqf board ki haisiyat se ohda par barqarari ko high court mein challenge kiya gaya. Telangana high court nay sadar nasheen waqf board ki Bar qarari ke masla par daakhil kardah darkhwast ko samaat ke liye qubool kar liya.
Justice Raj Shekhar reddy nay darkhwast ki samaat ke douran fariqain ke dalail ki samaat ki aur mehakma aqliati behbood, waqf board aur sadar nasheen waqf board Mohammad Saleem ko androon 10 youm tak jawab daakhil karne ki notice jari ki hai.
Darkhwast guzaar ke wakeel adalat ko bataya ki waqf act ki difaa 14 ke tehat assembly ya council ki rukniat khatam hotay hi board ki rukniat bhi khatam ho jati hai. lehaza nasheen ke ohda par Bar qarar rehna waqf act ki khilaaf warzi hai. wakeel nay mazeed kaha ke mojooda sadar nasheen ahem faislay kar rahay hain.
Muqadma ki aindah samaat 10 din baad hogi. –YTN STAFF