Hyderabad : Telangana pradesh congress committee ( TPCC ) ke khazanchi Godur Narayan Ready ne daawa kiya hai ke riyasat bhar mein Telangana band kamiyaab raha. hafte ke roz party daftar Gandhi Bhavan mein press conference se khitaab karte hue narayan reddy ne kaha ke ”Awaam ne RTC ,JAC ki janib se aur oppostion jamaatoun ki himayat Yafta band ki appeal ko qubool kiya hai. unhoun ne kaha ke logoun ne RTC kaarkunon se izhaar e yakjahti ke liye raza karana taor par apni dukanein band kee, jo 14 dinon se hadhtaal par hain.
Congress rehnuma ne ilzaam lagaya ke TRS hukoomat ne police ka istemaal karte hue band ko nakaam karne ki koshish ki. unhon ne kaha ke police ne ehtijaj ko nakaam bananay ke liye mutadid siyasi rehnumao aur kaarkunon ko ghair qanooni taor par hirasat mein liya tha. taham, log raza karana taor par sadkoun par aeye aur band ko kamyaab banaya. Unhon ne siyasi rehnumao ki giraftari ki shadeed mazammat ki aur un ki faori rihayi ka mutalba kiya .
Narayan reddy ne kaha ke sorat e haal is qader kharab ho gayi hai ke High Court ko RTC intizamia se mushtael mulazmeen se baat cheet karne ke liye Hukoomat ka kirdaar ada karna pada. Unhon ne kaha ke wazeer aala K Chandar Shekhar Rao ke khilaaf tauheen e adalat ke ilzaam mein karwai ki ja sakti hai.
Congress rehnuma nay kaha ke KCR kaabeena mein shaamil wazraa ko Sonchne ki bhi azadi nahi hai aur inhen koi faisla karne ya karwai karne ki ijazat nahi hai. Unhon nay kaha ke lakhoon Musafreen ko RTC mulazmeen ki hadtaal se mushkilaat ka saamna karna padh raha hai, lekin KTR hadtaal khatam karne ke liye RTC Mulazmeen ke mutalibaat ko maan-ne ke bajaye anaa aur takabbur ka muzahira kar rahay hain.
Unhon nay kaha ke KCR, High Court ke ehkamaat ke bawajood RTC Unionoun se baat karne ke liye raazi nahi hain. Unhon nay kaha ke KCR ke is aamranah rawayya se sirf KCR ko nuqsaan pahunchega aur un ke zawaal ki ginti shuru ho chuki hai.