Mumbai: Ek dilchasp waqea mein TV ke mad maqabil akhbar agaya hai jiske baad TV ne akhbar ko qanooni notice rawana kar di hai.
Tafseelaat ke mutabiq TRP Scam ke zimn mein Republic TV ke editor Arnab goswami ke khilaaf ek khabar shaya karne per republic TV ne angrezi roznama indian express ko qanooni notice rawana kya hai. Is notice mein kaha gaya hai ke akhbar ne tamam sahafti ikhlaqiaat ki khilaaf warzi karte hue khud hi judge, jury aur jallad ka kirdaar ada kiya hai. Notice mein mutalba kiya gaya hai ke woh unke khilaaf is tarhan ki hattak izzat khabrain shaya karne se baz rahen aur ghari mashroot maafi bhi mangay.
Republic TV ne morkhah 25 January ko indian express mein shaya kardah ek khabar ki mukhalfat ki hai jis mein yeh kaha gaya hai ke Republic TV ke editor Arnab goswami ne BARC ke sabiq CEO ko apni TRP badhana ke liye rishwat di hai. Yaad rahay ke 8 January ko Bombay high court ne apne ek faislay mein jin alfaaz ka istemaal karkay Republic TV ko tanqeed ka nishana banaya tha un hi alfaaz mein ab is channel ne indian express ko qanooni notice di hai. Bombay high court ne media trial muqadma ke faisla mein Republic TV aur times now ki khabron ko tauheen qarar dete hue kaha tha ke agar aap hi tafteeshi ohdedar, istighasa aur judge ban jatay hain to humara kiya faida? hum yahan kyun hain? .
Republic TV ki taraf se finks legal ke zariye bhaije gayi is qanooni notice mein kaha gaya hai ke indian express mein Arnab goswami ne mujhe TRP ki darja bandi tay karne ke liye 12 hazaar dollars aur 40 laakh rupay diye thay. Partho daas gupta is surkhi ke sath shaya shuda khabar, Republic TV ki saakh ko daghdar karne ke liye ek muhim hai aur is sansani khaiz khabar ke zareya indian express ke apne tijarti aur corporate mafadaat ko faida pahuna. qanooni notice yeh bhi kaha gaya hai ke indian express ne danista tor par apni report mein is baat ka tazkara nahi kya ke mazkoorah bayan Mumbai police ne prithvi daas gupta se jabri aur tashadud ke zariye liya hai, jo qanoon mein na qabil-e-qubool hai aur khud gupta pehle he inkar kar chukka hai.