New Delhi : Congress ki general secretary Priyanka Gandhi Vadra neh iqtisadi sust rawi par mangal ke roz BJP ki zair-e-qiyadat NDA hukoomat par sakht tanqeed ki, aur iqtesadi bohraan ke halaat ko chupaney ka ilzaam lagaya.
Unhon neh Tweet karte hue kaha ke ”Jhoot 100 baar dohranay se sach nahi hojata. BJP hukoomat ko qubool karna chahiye ke maeeshat mein tareekhi bohraan hai aur inhen hal karne ke liye iqdamaat karne chahiye.
Yeh pehli baar nahi hai ke congress ke kisi senior rehnuma neh iqtisadi mahaz par BJP hukoomat par hamla kiya ho. sabiq wazeer-e-aazam Manmohan Singh neh moujooda muashi sust rawi ko ”Insan sakhta bohran “ qarar diya, aur unhon neh note bandi aur GST ko ujlat mein liya gaya faisla qarar diya. –YTN STAFF