Dubai: Mutahidda Arab Emirate ke shehar Alain mein Practical Technology Institute ki talbat neh Mobile Phone charge karne ke liye makhsoos sports jootay tayyar kar liye hain. Ye jootay chehal qadmi aur skating mein bhi kaam aa satke hain. Un ki madad se mobile phone charge ho sakta hai. Un jootoun se mutadid kaam liye ja satke hain.
Tafseelaat ke mutabiq ye jootay muft tawanai faraham karne mein madad gaar aur mahol dost honge. Mamooli niji gharelo ashya ko sasti tawanai faraham karen ge. Khaas tor par mobile, Camera aur sooti alaat ko un ke zariye bijli faraham ki ja sakay gi.
Emarati talbat neh apni noiyat ke naye tarz ke ye jootay Tahnoon complex mein tayyar kiye hain. Ye munfarid sports jootay tayyar karne wali team mein Ayesha Jummay, Shamsah Zafir aur Merat Khalf Al-Mehri shaamil hain. Un ki ye ajaad Alain baldia ke khusoosi programme mein pesh ki gayi. Yahan ki baldia har mah achhooti ayjadat numayesh ke liye rakhti hai.
Ayesha neh is mauqa par kaha hai ke hamari ye ajaad Emarati market ke liye aaccha tohfa hai. Hamari koshish thi ke muashray ke masail ke hal mein talbat apna hissa karen. Shamsah Al-Hababi neh kaha ke taleem ke zariye hamara maqsad roz marrah zindagi mein pesh anay walay challengoun ke hal pesh karna hai. Naye afkaar ko amli jama pehna kar ye kaam kiya ja sakta hai. Yahi hamari zindagi ka mission hai. –YTN STAFF