Islamabad : Itwaar ko Pakistan ke Gilgit Baltistan ilaqa mein ek musafir Bus ke driver ka tawazun khojane se Bus ek pahadh se takra gayi, aur is haadsay mein kam az kam 26 se ziyada afraad halaak aur mutadid afraad zakhmi hogaye. Bus Skardu se Rawalpindi jarahi thi aur qareeb 40 musafiron samait, pak fouj ke 16 ahelkar is mein mojood they. yeh haadsa Diamer zila ke Babusar road ke paas paish aaya.
Gilgit Baltistan ke wazeer-e-aala ke tarjuman Rasheed Arshad tasdeeq ki hai ke malbay se 26 afrad ki lashain mili hain, jin mein khawateen aur bachay bhi shaamil hain. unhon ne bataya ke 13 musafiron ko DHQ Hospital, Chilas mein daakhil karaya gaya hai, aur un mein se kuch ki haalat tashweesh-naak hai. Mehlookeen ki shanakht ki ja rahi hai. –YTN STAFF